நாட்டின் ஊடாக நிலவும் தீவிர தென்மேற்கு பருவப்பெயர்ச்சி வானிலை காரணமாக நாட்டின் சில பகுதிகளில் பலத்த காற்று வீசக்கூடும் என வளிமண்டலவியல் திணைக்களம் எச்சரிக்கை விடுத்துள்ளது.
இது தொடர்பில் திணைக்களம் வெளியிட்டுள்ள அறிக்கையின் முழு விவரங்கள் பின்வருமாறு:
எச்சரிக்கை விடுக்கப்பட்டுள்ள பகுதிகள்:
நாட்டின் நிலவும் தீவிர பருவப்பெயர்ச்சி நிலை காரணமாக, வடக்கு, வடமத்திய மற்றும் மத்திய மாகாணங்களிலும், ஹம்பாந்தோட்டை மற்றும் திருகோணமலை மாவட்டங்களிலும் அவ்வப்போது மணித்தியாலத்திற்கு 40 முதல் 50 கிலோமீற்றர் வேகத்தில் பலத்த காற்று வீசக்கூடும் என அந்த அறிக்கையில் தெரிவிக்கப்பட்டுள்ளது.
குறித்த பகுதிகளில் வசிக்கும் பொதுமக்களும், கடற்பயணத்தில் ஈடுபடுவோரும் மற்றும் வாகனச் சாரதிகளும் நிலவும் சீரற்ற மற்றும் பலத்த காற்றுடன் கூடிய காலநிலை குறித்து விழிப்புடன் இருக்குமாறு கேட்டுக்கொள்ளப்படுகிறார்கள்.
