சாதாரண தர பரீட்சை பெறுபேறு வெளியாகும் திகதி அறிவிப்பு!

Valluvan Media
0

 கடந்த சில மாதங்களுக்கு முன்பு நடத்தப்பட்ட 2025ஆம் ஆண்டுக்கான கல்விப் பொதுத் தராதர சாதாரண தரப் பரீட்சை (O/L Exam) முடிவுகள் வரும் வாரத்தில் வெளியிடப்படும் என கல்விப் பிரதி அமைச்சர் மதுர செனவிரத்ன அதிகாரப்பூர்வமாக அறிவித்துள்ளார்.



​தற்போது பரீட்சார்த்திகளின் பெறுபேறுகள் மற்றும் இறுதித் தகவல்களை கணினியில் புதுப்பிக்கும் பணிகள் (Data Updating) மிகவும் இறுதிக்கட்டத்தை எட்டியுள்ளதாக அவர் மேலும் கூறியுள்ளார். கடந்த பெப்ரவரி 17ஆம் திகதி முதல் 26ஆம் திகதி வரை நடைபெற்ற இந்தச் சாதாரண தரப் பரீட்சையில் நாடு முழுவதிலும் இருந்து மொத்தம் 451,463 பரீட்சார்த்திகள் தோற்றியிருந்தமை குறிப்பிடத்தக்கது.

​பாடசாலைகளுக்குக் கல்வி அமைச்சு விடுத்துள்ள விசேட உத்தரவு:

​இதற்கிடையில், இந்த ஆண்டு (2026) நடைபெறவுள்ள கல்விப் பொதுத் தராதர சாதாரண தர மற்றும் உயர் தரப் (A/L) பரீட்சைகளுக்கான பாடத்திட்டங்களை நிறைவு செய்வது குறித்து கல்வி அமைச்சு மிக முக்கியமான விசேட அறிவிப்பு ஒன்றை வெளியிட்டுள்ளது.

​அமைச்சின் செயலாளர் நலக்க கலுவேவ விடுத்துள்ள இந்த அறிவித்தலில் கூறப்பட்டுள்ளதாவது:

  • ​மேலதிக வகுப்புகள்: ஏதேனும் ஒரு பாடசாலையில் பாடத்திட்டங்களை முடிப்பதில் தாமதம் ஏற்பட்டிருந்தால், முறையான திட்டமிடல் மூலமும், தேவைப்படின் மேலதிக நேரத்தை ஒதுக்கியும் பாடத்திட்டங்களை முழுமையாக முடிப்பதற்கு அதிபர்களும் சிரேஷ்ட கல்வி அதிகாரிகளும் உடனடியாக நடவடிக்கை எடுக்க வேண்டும்.
  • ​பரீட்சை ஒத்திவைப்பு இல்லை: 2026ஆம் ஆண்டுக்கான சாதாரண தர மற்றும் உயர் தரப் பரீட்சைகள் எக்காரணம் கொண்டும் ஒத்திவைக்கப்படாது. ஏற்கனவே திட்டமிடப்பட்ட திகதியிலேயே பரீட்சைகள் நடத்தப்படும். எனவே மாணவர்கள் பரீட்சைக்கு முழுமையாகத் தயாராக இருப்பதை அந்தந்த பாடசாலை நிர்வாகங்கள் உறுதி செய்ய வேண்டும் என அமைச்சின் செயலாளர் வலியுறுத்தியுள்ளார்.

Post a Comment

0 Comments
Post a Comment (0)
Contact for Advertising
+94 740 868 731
RV Multi Shop
To Top