சப்ரகமுவ மற்றும் மேல் மாகாணங்களிலும், காலி, மாத்தறை, கண்டி மற்றும் நுவரெலியா மாவட்டங்களிலும் இடைக்கிடையே மழை பெய்யக்கூடும் என வளிமண்டலவியல் திணைக்களம் எதிர்வு கூறியுள்ளது.
நாட்டின் ஏனைய பகுதிகளில் சீரான வானிலை நிலவும் எனத் திணைக்களம் தெரிவித்துள்ளது.
பலத்த காற்று எச்சரிக்கை:
மத்திய மலைப் பிராந்தியத்தின் மேற்குப் பிரிவுகளிலும், வடக்கு, வடமத்திய, வடமேல், மத்திய மற்றும் சப்ரகமுவ மாகாணங்களிலும், அத்துடன் ஹம்பாந்தோட்டை மற்றும் திருகோணமலை மாவட்டங்களிலும் மணிக்கு சுமார் 40 - 50 கிலோமீற்றர் வேகத்தில் அடிக்கடி பலத்த காற்று வீசக்கூடும் என அறிவிக்கப்பட்டுள்ளது.
கடல் பிராந்தியங்களுக்கான எச்சரிக்கை:
சிலாபம் தொடக்கம் கொழும்பு ஊடாக காலி வரையான கரையோரத்திற்கு அப்பால் உள்ள கடல் பிராந்தியங்களில் சிறிதளவு மழை பெய்யக்கூடும். கடல் பிராந்தியங்களில் தென்மேற்குத் திசையில் இருந்து மணிக்கு 30 - 40 கிலோமீற்றர் வேகத்தில் காற்று வீசும்.
குறிப்பாக, காங்கேசன்துறை தொடக்கம் மன்னார் ஊடாக புத்தளம் வரையான கடல் பிராந்தியங்களும், ஹம்பாந்தோட்டை தொடக்கம் பொத்துவில் வரையான கடல் பிராந்தியங்களும் மணிக்கு 55 - 60 கிலோமீற்றர் வேகத்தில் காற்று அதிகரித்து வீசக்கூடிய சந்தர்ப்பங்களில் மிகவும் கொந்தளிப்பாகக் காணப்படும்.
நாட்டைச் சூழ உள்ள ஏனைய கடல் பிராந்தியங்களில் மணிக்கு 50 கிலோமீற்றர் வேகத்தில் இடைக்கிடையே காற்று அதிகரித்து வீசக்கூடும் என்பதால், இக்கடல் பிராந்தியங்கள் ஓரளவு கொந்தளிப்பாக இருக்கும் என வளிமண்டலவியல் திணைக்களம் மீனவர்களையும் கடல்சார் சமூகத்தினரையும் அவதானமாக இருக்குமாறு எச்சரித்துள்ளது.
