தள்ளாடும் தங்கத்தின் விலை! நகைப்பிரியர்களுக்கு அதிர்ச்சி தகவல்!

 உள்நாட்டு சந்தையில் தங்கத்தின் விலை இன்று (02.07.2026) பவுணுக்கு 5,000 ரூபாவால் அதிகரித்துள்ளதாக அகில இலங்கை நகையக வியாபாரிகள் சங்கம் அறிவித்துள்ளது. 

நேற்றைய தினம் (01.07.2026) 24 கரட் தங்கம் ஒரு பவுண் 379,000 ரூபாயாக விற்பனை செய்யப்பட்ட நிலையில், இன்றைய தினத்தில் அதன் விலை 384,000 ரூபாயாக அதிகரித்துள்ளது.

​தற்போதைய சந்தை விலை நிலவரம்:

​சந்தையின் தற்போதைய நிலவரப்படி, 24 கரட் தங்கத்தின் ஒரு பவுண் 384,000 ரூபாய்க்கும், 22 கரட் தங்கத்தின் ஒரு பவுண் 353,300 ரூபாய்க்கும் விற்பனை செய்யப்படுகின்றன. அதேபோல, 24 கரட் தங்கத்தின் ஒரு கிராமின் விலை 48,000 ரூபாயாகவும், 22 கரட் தங்கத்தின் ஒரு கிராமின் விலை 44,163 ரூபாயாகவும் பதிவாகியுள்ளது.

​சர்வதேச சந்தையில் தங்கத்தின் விலை தொடர்ந்து ஏற்ற இறக்கங்களுடன் காணப்படுவதால், அதன் நேரடித் தாக்கம் உள்நாட்டு சந்தையிலும் தொடர்ந்து பிரதிபலித்து வருகிறது. இதன் காரணமாகவே தங்கத்தின் விலையில் நாளுக்கு நாள் மாற்றங்கள் பதிவாகி வருகின்றன என்பது குறிப்பிடத்தக்கது.

 தங்கத்தை முதலீடாகக் கருதுபவர்களும், ஆபரணங்களை வாங்குபவர்களும் இன்றைய விலையேற்றத்தை உன்னிப்பாகக் கவனித்து வருகின்றனர்.